حزب «الغلابة»

حزب «الغلابة»


نفسى أعملى حزب اسمه حزب الغلابة
يكون هدفه الأساسى محاربة الديابة
ويحارب التعالب والبيه أبو مخ ضارب
ونبقى زى أحمد فى سلوكنا والصحابة
نفسى أعملى حزب اسمه حزب الفضيل
يبقى الرمز بتاعه ساطور بإيد طويلة
علشان نقدر نحارب الحيتان والتعالب
اللى خربوا بلدنا اللى كانت جميلة
نفسى أعملى حزب اسمه حزب الفلاحة
وأقول فيه للوزير حبة كلام قباحة
علشان غش التقاوى وكمان غلا الكيماوى
خلانى كل زرعة أعمل فى الغيط مناحه
نفسى أعملى حزب اسمه حزب الصناعة
يشيد المصانع مصنع فى كل ساعة
ونشغل فيه ولادنا علشان تنهض بلدنا
اللى فيها الشباب اتخصص فى الصياعة
نفسى أعملى حزب اسمه حزب الحكومة
يمسك كرباج سوداني وكام بلغة قديمة
ويلف فى كل حارة ويروح أجدع وزارة
واللى يلاقيه بيلعب يديله بالقديمة
نفسى أعملى حزب اسمه حزب الرياسة
يختار رئيس حكومة نبيه كله كياسة
يترشح مدتين بالثانية محسوبين
ونبطل التناحه والتزوير والغلاسة

والله تسلم ايدك يافااااااااارس

كلالالالالالام ياريت يطبق
عشان نطرد من البلد ان شاء الله
ههههههههههه
مممممممممممممممممم

تحيااااااااااااااااااااااتى
تقبل مرورى المتواضع

شكرا على المرور ماندو

شكرا على المرور اميره

شاكر جدا ياشباب على الدعم